實發

是日為細少18個月大日子. 暫時已知慶祝項目如下

一. 凌晨一時慶祝會
會場全場bb (即一大個) 有一支新鮮奶奶. 即是談判破裂, 擇日再傾

二. 特技表演
細少為左搶救大車車一架, 先撞向窗花再整親個頭, 右面"雲精"損左

三. 歌唱項目
細少大哭大鬧十分鐘以表達再次被拒絕同大車車一起沖涼的情感舒發

四. 俾面派對.
老媽今日充斥無聊工事. 唔知幾點收工. 仲要去俾面派對.

五. 大少終於"的"起心肝去重執球拍打波去. 唔知幾點番 (甘人地之後要去食飯呀,打完波好肚餓!)

六. 與專業人士會面
無良老媽安排是日去打針.

祝細少
愈大愈聽女人話 (只限婆婆同阿媽)
手瓜腳瓜大個瓜
口甜舌滑頂瓜瓜