法國半日遊

阿仔發起去法國玩玩, 探下無見一排的朋友黃醫生. 所以......今次右手手較又在不明的情況下 (我懷疑是星期日在三級樓梯上跌左落黎, 對! 阿仔係三個大人十二對眼望到實都碌左落樓梯) 即移左少少位. 嚴重點是說又甩左較.

有了上兩次入境法國自遊行的經驗. 今次先由婆婆同麻麻乘坐紅的直飛法國辨手續, 爸媽分別從公司直飛目的地. 大家準時在入境大堂會合. 可能現在聖誕前是旅遊淡季, 出奇地不用等待太耐. 爸媽一到就可以見黃醫生了. 黃醫生仍是一個有型的醫生. 哈哈, 身手不凡, 兩下手勢. 你地一家四口可以番屋企啦. 無事. 走得

總結三次經驗所得........
1. 細少應無慣性甩較, 因上兩次是左手, 今次是右手; 甩左只是因為頑皮 (以上只是無知阿媽主觀願望, 無醫學根據, 下次問下醫生先! 啋)

2. 由九個月時第一次甩較 (對九個月已甩了, 連醫生問仲咩甘早甩. 問題係阿仔九個月已曉行, 曉行就會跌, 跌就有機會甩, 你估阿媽我想) 到今次十八個月第三次甩, 他見醫生時由狂喊到今次好安靜, 明白會痛, 亦知道睇過醫生會不再痛. 小朋友像知自己闖了禍. 不敢再亂動. 治療過程順利. 媽媽走時都跟阿仔 講, "整到手腳唔係bb 錯, 第時有咩唔舒服同痛, 一定要同媽咪爸爸婆婆講" 當然媽媽講過之後, 不斷有人"啋啋啋"啦. 呵呵呵!

3. 再次證明醫生是對的, 小朋友是沒有陰影的, 只有大人才有. 回家後你看細少幾興奮, 幾開心. 要補償下午呆等沒有玩的時光. 但所有大人都嚇到呆在梳化上.......

阿仔! 其實阿媽唔係好嚇得........

p.s. 此相是媽媽吩咐阿仔單腳企後映. 經過多次試驗同考核. 阿仔是明白咩叫 "單腳企"同"企定定映張相"
再次老懷安慰.....